Ende Sitogol & Ungut-ungut

Ungut-ungut 

Muda mandurung ko baya tu pahu

Ayup sanggar adik e tu batang gadis

Takodir baya malungun ningku baya

Kirim surat adik e diombuskon angin  

 

Oiii … mada sumbayangko da baya di kotu luhur

Tolong painte laos tu kotu asar

Takodir baya parjolo ho tu bagasan kubur

U painte do ho di Madang Mazar

Ningku do nangot-nangot dabo  

 

Ganjil di Panyabungan

Borong-borong ke baya marsayop dua

Ganjil baya ningku paruntungan

Ningku jumolo lek malua 

 

Sobarko dabo ale pandan

Di balik tiang boto ningku na lomlom

I balos Tuhan dei saulak on  

 

 

Sitogol 

Songon dia ma u dokon le dainang

Padeanma pasada roha

Nasib bagian on antong taononkon

Muda na so disetujui ni roa da baya 

 

Losung di Pidoli ale anggi

Tumbuk salapan do indaluna baya

Janjinta na sanoli

Tumbuk di alak do laluna ale baya 

 

Jambatan di Muaramais

Pamolusan ni ABS dua

Ulangko da anggi sai majais

Ampot na rap do ita na dua 

 

Indang bo le so udok-dok bo

Dongan na dua tolu

Bota-bota do ni padi maduyun da baya

Tangihon tolong so u dokon

Jamita ni na tangis malungun da baya   

 

 

Hutapungkut, 1992

Observer: Edi Nasution

Parende: Amran & Arman Lubis

Explore posts in the same categories: Seni & Budaya

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s


%d blogger menyukai ini: